Awareness Session Recording - Awarding Ceremony 2023

2023.01.26

All students are advised to listen to the awareness session recording due to many important instructions being delivered on the session.  

ඩිප්ලෝමා සහ සහතිකපත්‍ර ප්‍රදානෝත්සවය - 2023 - උපදෙස්

• පෙ.ව. 7.00 වන විට සියළුම ඩිප්ලෝමා හා සහතිකපත්‍රලාභීන් ලබා දී ඇති අනුක්‍රමික අංකය (නිල් පැහැති) පැළද, රබීන්ද්‍රනාත් තාගෝර් අනුස්මරණ ශ්‍රවනාගාරය ඉදිරිපිට ලබා දී ඇති අනුක්‍රමික අංකය අනුව පෙළ ගැසි සිටිය යුතුය.
• න්‍යාය පත්‍රයට අනුව ඔබ උත්සව ශාලාවට ඇතුල් කිරීමෙන් අනතුරුව උපකුලපති ප්‍රමුඛ මාණ්ඩලික පෙරහැර උත්සව ශාලාවට ඇතුල්වන විට ඔබ සියළුම දෙනා අසුනෙන් නැගී සිටිය යුතුය. උපකුලපතිතුමා වේදිකාවට පැමිණි විගසම විශ්වවිද්‍යාල ගීතය වාදනය කරනු ලැබේ. උපකුලපතිතුමා ඇතුළු ආචාර්ය මණ්ඩලය අසුන් ගැනීමෙන් අනතුරුව සියළු දෙනාටම අසුන්ගත හැකිය.
• පළමුව ඩිප්ලෝමාලාභීන්හට සහතික ප්‍රදානය සිදුකරන අතර, පසුව අනුපිළිවෙලින් උසස් සහතිකපත්‍රලාභීන්ට හා සහතිකපත්‍රලාභීන්හට සහතික පදානය සිදුකරනු ලැබේ.
• ප්‍රදානෝත්සවය ආරම්භ වූ පසු කණ්ඩායම් ලෙස වේදිකාව අසලට කැඳවා ඔබ වේදිකාවට යොමු කිරීමට කටයුතු කරන අතර, එහිදී ඔබ වෙත ලබා දී ඇති සුදු පැහැති අංකය වේදීකාවට ගොඩ වන අවස්ථාවේදි අනිවාර්යයෙන්ම ඉදිරිපත් කල යුතුය.
• වේදිකාව මතදී ඔබ වෙත ප්‍රදානය කරනුයේ සුභාෂිංශණ පණිවිඩයක් වන අතර, උත්සවය අවසන්වූ පසු ඩිප්ලෝමාලාභීන්ට ලෝගුව භාර දීමෙන් අනතුරුව තමුන්ට හිමි සහතිකය ලබා ගත හැකිවේ. එමෙන්ම තම අනන්‍යතාවය තහවුරු කිරීමෙන් අනතුරුව අනෙක් සිය`ථම සහතිකපත්‍රලාභින් සහතික ලබා ගැනීමට කටයුතු කළ යුතුය. (දූරස්ථ හා අඛණ්ඩ අධ්‍යාපන ඒකකය මගින් නිකුත් කරනු ලැබේ.)
• ඡායාරූප ලබා ගැනීමේ පහසුකම් රුහුණ විශ්වවිද්‍යාලයේ සේවක විවේකාගාරය තුළ දී සිදුකර කෙරේ. (බුදු පිළිමය අසල)
• වාහන නතර කිරීමේ සඳහා රුහුණ විශ්වවිද්‍යාලීය ලංකා බැංකුව අසල රථ ගාල භාවිතා කල හැක. (වාහන අවසර පත්‍ර ඉදිරිපත් කල යුතුය)
• ඔබ වෙත ලබාදී ඇති ආහාර අවසර පත් දෙක භාවිතා කර උත්සවය අවසන් වූ පසු ශාලාව අසලදීම ආහාර ලබා දීමට කටයුතු යොදා ඇත.

වැඩිදුර තොරතුරු පහත ඇමුණුම් හරහා ලබා ගන්න .

Awarding Ceremony 2023 - Confirmation of your participation

2023.01.19

Please fill this form to confirm your participation for Awarding Ceremony. It will be held on 28th January 2023. All awardees must fill this form before 23rd January 2023. It is compulsory.

Furthermore details:- Telephone No:- 0412223133  

ඩිප්ලෝමා සහ සහතිකපත්‍ර ප්‍රදානෝත්සවය - 2023 ලෝගු සහ ප්‍රවේශපත්‍ර නිකුත් කිරීම.

2023.01.19

2023 ජනවාරි 28 වන දින පැවැත්වීමට නියමිත ඩිප්ලෝමා සහ සහතික ප්‍රදානෝත්සවය සඳහා ප්‍රවේශ පත්‍ර හා ලෝගු 2023.01.22 වන දින පෙ.ව. 9.00 සිට ප.ව. 3.00 දක්වා දූරස්ථ හා අඛණ්ඩ අධ්‍යාපන ඒකකයේ දී නිකුත් කිරීමට කටයුතු යොදා ඇත. එදිනට ඡායාරූප ලබා ගැනීම සඳහා මුදල් ගෙවීමට ද හැකියාව පවතින අතර, අදාළ මිල ගණන් පිළිබද තොරතුරු පහත ඇමුණුම හරහා ලබා ගත හැක.

එදිනට සියළුම ඩිප්ලෝමා සහ සහතිකලාභීන් දූරස්ථ හා අඛණ්ඩ අධ්‍යාපන ඒකකයට පැමිණ ප්‍රවේශ පත්‍ර හා ලෝගු ලබා ගන්නා ලෙසට දන්වා සිටිමි.  

ඩිප්ලෝමා සහ සහතිකපත්‍ර ප්‍රදානෝත්සවය - 2023

2023.01.12

1. පහතින් දක්වා ඇති ලේඛනයෙහි සඳහන් ඩිප්ලෝමා සහ සහතිකපත්‍ර ලාභීන්ගේ නම් උප්පැන්න සහතිකය අනුව නිවැරදි දැයි බලා වෙනසක් ඇත්නම් පමණක් වෙනස් වන ආකාරය මෙහි අමුණා ඇති ගූගල් පෝරමය මඟාන් සම්පූර්ණ කර එයට උප්පැන්න සහතිකයේ පිටපතක් උඩුගත (upload) කරන මෙන් දන්වමි.

  මෙම නාම ලේඛනයේ සඳහන් නම් සහතිකපත්‍ර ලිවීම සඳහා යොදා ගන්නා බැවින් 2023.01.17 දිනට ප්‍රථම අදාල ගූගල් පෝරමය සම්පූර්ණ කල යුතු අතර, නැතහොත් දක්වා ඇති ලේඛනයෙහි සඳහන් නම් අදාල සහතිකපත්‍රය ලිවීම සඳහා භාවිතා කරන බව මෙයින් දන්වමි.

2. එමෙන්ම, ඩිප්ලෝමා සහ සහතිකපත්‍ර ප්‍රදානෝත්සවය සඳහා සහභාගී නොවූවද සියලුම දෙනා රුපියල් 2000.00 ක මුදල ගෙවිම අනිවාර්ය වේ.

සැ.යු. : ඉංග්‍රිසි ඩිප්ලෝමා (පැරණි විෂය නිර්‍දේශය) පාඨමාලාවට අයත් ඩිප්ලෝමාලාභින් අදාල නම් වෙනස් වීම් සම්බන්ධයෙන් ගැටළුවක් පවතීනම් පහතින් දක්වා ඇති දුරකථන අංකය හා සම්බන්ධ වන මෙන් ද වැඩි දුරටත් දන්වමි.
ආචාර්ය කේ.එස්.ජී.එස්. නිශාන්ත මයා : 0714323929  

ඩිප්ලෝමා සහ සහතිකපත්‍ර ප්‍රදානෝත්සවය - 2023

2023.01.05

පහත නම් ලැයිස්තුවේ නම් සඳහන් සිසුන් සඳහා ඩිප්ලෝමා සහ සහතික ප්‍රදානෝත්සවය 2023 ජනවාරී මස 28 වන දින පැවැත්විමට නියමිත අතර මේ සඳහා අදාල ඩිප්ලෝමා සහ සහතිකපත්‍රලාභීන් මෙහි අමුණා ඇති ගූගල් පෝරමය හරහා ලියාපදිංචි විය යුතුය.


ඩිප්ලෝමා සහ සහතික ප්‍රදානෝත්සවය සඳහා රුපියල් 2000.00 ක මුදලක් ගෙවිය යුතුය. ඊට අදාල ගෙවීම් වවුචර්පත පහත වෙබ් යොමුව හරහා ලබා ගත යුතු අතර ගෙවීම් සිදු කරනු ලැබූ වවුචර්පත පහත ඇති ගූගල් පෝරම සම්පූර්ණ කර එය හා එවිය යුතුය. (වවුචර්පත ලබා ගැනීමේදී ගෙවීම් කාණ්ඩය ලෙස "Diploma/Certificate Award Ceremony Fee " ලෙස තෝරාගත යුතුය. ලියාපදිංචි අංකය ඇමුණුමහි ඇති ආකාරයෙන් භාවිතා කළයුතු අතර වෙබ් යොමුවෙහි ඇති විස්තර වෙතද අවදානය යොමු කරන ලෙස දන්වා සිටී. )

ඩිප්ලෝමා සහ සහතික ප්‍රදානෝත්සවයට අදාල සියලු තොරතුර www.dceu.ruh.ac.lk වෙබ් අඩවිය ඔස්සේ සිසුන් වෙත දැනුම් දෙනු ලබන අතර වෙබ් අඩවිය ඔස්සේ දිනපතා සම්බන්ධ වී යාවත්කාලින වන මෙන් දන්වා සිටිමි. යම් ගැටලුවක් වෙතොත් 041 2223133 හරහා දුරස්ථ හා අඛණ්ඩ අධ්‍යාපන ඒකකය අමතන මෙන් දැනුම් දෙමි.

ස.‍යු. - 2023.01.13 දින හෝ ඊට පෙර ගෙවීම් සිදුකොට ගූගල් පෝරමය සම්පූර්ණ කළ යුතුය.